1 Псальма Давідава. СПАДАР — Пастыр мой, я ня буду мець нястачы.
2 На пасьцьбішчах зялёных пасьвіць мяне, ля водаў супакойных водзе мяне;
3 Душу маю аднаўляе, вядзець мяне па сьцежках справядлівасьці дзеля імені Свайго.
4 Хоць пайду даліною сьмяротнага сьценю, не зьлякаюся ліха, бо Ты з імною; дубец Твой а посах Твой цешаць мяне.
5 Ты гатуеш перад імною стол насупроці праціўнікаў маіх; намасьціў алеям галаву маю, мая чара паўнюсенькая.
6 Адно дабрыня а міласэрдзе будуць гнацца за імною ўсі дні жыцьця майго, і я буду жыць у доме СПАДАРОВЫМ даўгія дні.
Псалтыр, псалом 22