1 Пасьля гэтай плягі сказаў ГОСПАД Майсею і Элеазару, сыну Аарона сьвятара:
2 «Палічыце лічбу усяе супольнасьці сыноў Ізраіля ад дваццаці гадоў і вышэй па родах, усіх, здольных ваяваць».
3 Дык Майсей і сьвятар Элеазар так пастанавілі на раўнінах Мааву, насупраць Ерыхону, над Ярданам:
4 «Палічыць усіх ад дваццаці гадоў і вышэй, як ГОСПАД загадаў Майсею і Ізраільцянам пры выхадзе з Эгіпту». Вось лічба сыноў Ізраіля, якія выйшлі з зямлі Эгіпецкай:
5 Рубэн, першародны Ізраіля. Сыны Рубэна: Ханох, ад якога род Ханоха, і Пальлю, ад якога род Пальлю,
6 і Хецрон, ад якога род Хецрона, і Кармі, ад якога род Кармі.
7 Гэтыя вось роды з пакаленьня Рубэна, лічба якіх дасягала сорак тры тысячы семсот трыццаць.
8 Сыны Пальлю: Эліяў
9 і сыны ягоныя: Нэмуэль, Датан і Абірам. Датан і Абірам — гэта тыя князі народу, якія збунтаваліся супраць Майсея і Аарона разам з Карахам, калі яны паднялі бунт супраць ГОСПАДА,
10 і зямля разьзявіла вусны свае і праглынула іх і Караха, і паўміралі многія, калі агонь спаліў дзьвесьце пяцьдзясят чалавек, і сталіся яны знакам [перасьцярогі].
11 Але сыны Караха не загінулі.
12 Сыны Сымона па пакаленьнях іхніх: ад Нэмуэля паходзіць род Нэмуэля; ад Яміна — род Яміна; ад Яхіна — род Яхіна,
13 ад Зэраха — род Зэраха; ад Шаўля — род Шаўля.
14 Такія вось роды з пакаленьня Сымона, агульная лічба якіх была дваццаць дзьве тысячы дзьвесьце.
15 Сыны Гада па родах сваіх: Цэфон, ад якога род Цэфона; Хаггi, ад якога род Хаггі; Шуні, ад якога род Шуні,
16 Озьні, ад якога род Озьні; Эры, ад якога род Эры,
17 Арод, ад якога род Арода; Арыэль, ад якога род Арыэля.
18 Гэта вось роды Гада, агульная лічба якіх была сорак тысячаў пяцьсот.
19 Сыны Юды: Гер і Янан, яны абодва памерлі ў зямлі Ханаан.
20 Вось сыны Юды па родах іхніх: Шэля, ад якога род Шэлі; Пэрэс, ад якога род Пэрэса; Зэрах, ад якога род Зэраха.
21 А вось сыны Пэрэса: Хецрон, ад якога род Хецрона, і Хамуль, ад якога род Хамуля.
22 Гэтыя вось роды Юды, агульная лічба якіх была семдзясят шэсьць тысячаў пяцьсот.
23 Сыны Ісахара па родах сваіх: Таля, ад якога род Талі; Пува, ад якога род Пувы;
24 Яшуб, ад якога род Яшуба; Шымрон, ад якога род Шымрона.
25 Такія вось роды Ісахара, агульная лічба якіх была шэсьцьдзесят чатыры тысячы трыста.
26 Сыны Завулёна па родах іхніх: Сэрэд, ад якога род Сэрэда; Элён, ад якога род Элёна; Яхлеэль, ад якога род Яхлеэля.
27 Гэта роды Завулёна, агульная лічба якіх была шэсьцьдзясят тысячаў пяцьсот.
28 Сыны Язэпа па родах сваіх: Манаса і Эфраім.
29 З Манасы нарадзіўся Махір, ад якога род Махіра; Махір быў бацькам Гілеаду, ад якога род Гілеада.
30 Гілеад меў сыноў: Езэра, ад якога род Езэра; і Гэлека, ад якога род Гэлека;
31 і Асрыэля, ад якога род Асрыэля; і Мэхема, ад якога род Мэхема,
32 і Шэміду, ад якога род Шэміды; і Хэфэра, ад якога род Хэфэра.
33 Хэфэр быў бацькам Цэлафхада, які ня меў сыноў, а толькі дочкі, імёны якіх: Махля, Ноа, Хогля, Мілька і Тырца.
34 Такія вось роды Манасы, лічба якіх была пяцьдзясят дзьве тысячы семсот.
35 Сыны Эфраіма па родах іхніх: Шутэлях, ад якога род Шутэляха; Бэхэр, ад якога род Бэхэра; Тахан, ад якога род Тахана.
36 Сынам Шэтэляха быў Эран, ад якога род Эрана.
37 Такія вось роды сыноў Эфраіма, лічба якіх была трыццаць дзьве тысячы пяцьсот. Яны — нашчадкі Язэпа па родах сваіх.
38 Сыны Бэн’яміна па родах сваіх: Бэля, ад якога род Бэлі; Ашбэль, ад якога род Ашбэля; Ахірам, ад якога род Ахірама;
39 Шэфуфам, ад якога род Шэфуфама; Хуфам ад якога род Хуфама.
40 Сыны Бэлі: Ард і Нааман; ад Арда паходзіць род Арда, ад Наамана — род Наамана.
41 Такія вось сыны Бэн’яміна па родах сваіх, лічба якіх была сорак пяць тысячаў шэсьцьсот.
42 Сыны Дана па родах сваіх: Шухам, ад якога род Шухама. Такія вось сыны Дана па родах сваіх:
43 усе былі сыны Шухама, лічба іх была шэсьцьдзясят чатыры тысячы чатырыста.
44 Сыны Асэра па родах сваіх: Імна, ад якога род Імны; Ішві, ад якога род Ішві; Бэрыя, ад якога род Бэрыі.
45 Сыны Бэрыі: Гебэр, ад якога род Гебэра; і Малькіэль, ад якога род Малькіэля.
46 Дачкі Асэра імя было Сэраха.
47 Такія вось роды сыноў Асэра, лічба іх была пяцьдзясят тры тысячы чатырыста.
48 Сыны Нэфталі па родах сваіх: Яхцэль, ад якога род Яхцэля; Гуні, ад якога род Гуні;
49 Ецэр, ад якога род Ецэра; Шылем, ад якога род Шылема.
50 Такія вось роды сыноў Нэфталі па родах сваіх, лічба якіх была сорак пяць тысячаў чатырыста.
51 Агульная лічба сыноў Ізраіля паводле сьпісу: шэсьцьсот адна тысяча семсот трыццаць.
52 І сказаў ГОСПАД Майсею:
53 «Паміж імі будзе падзелена зямля на ўласнасьць паводле лічбы імёнаў.
54 Больш шматлікім большую частку дасі; менш шматлікім — меншую; кожнаму асобна, паводле сьпісу, будзе дадзена спадчына.
55 Зямля павінна быць падзелена жэрабем, а спадчыну маюць атрымаць паводле лічбы імёнаў у родах.
56 Жэрабем трэба падзяліць спадчыну між вялікімі і малымі родамі».
57 Такая вось лічба сыноў Левія па родах іхніх: Гершон, ад якога род Гершона; Кегат, ад якога род Кегата; і Мэрары, ад якога род Мэрары.
58 Такія вось роды Левія: род Лібні, род Хеўрона, род Махлі, род Мушы, род Караха. Кегат жа быў бацькам Амрама,
59 які меў жонку Ёкэбэд, дачку Левія, якая нарадзілася яму ў Эгіпце. Яна нарадзіла Амраму, мужу свайму, Аарона і Майсея, поруч сястру іхнюю Мірыям.
60 Аарон меў сыноў: Надава, Абігу, Элеазара і Ітамара,
61 з якіх Надаў і Абігу памерлі, калі прынесьлі чужы агонь перад аблічча ГОСПАДА.
62 Усіх па сьпісе было дваццаць тры тысячы мужчынаў ад аднаго месяца і вышэй. Яны ня ўпісаныя ў лічбу сыноў Ізраіля, бо ня дадзена ім спадчына сярод сыноў Ізраіля.
63 Такая вось лічба сыноў Ізраіля, сьпісаных Майсеем і Элеазарам сьвятаром на раўнінах Мааву над Ярданам насупраць Ерыхону.
64 Між імі не было нікога з тых, якіх Майсей і Аарон лічылі, калі сьпісвалі сыноў Ізраіля ў пустыні Сынай,
65 бо прадказаў ім ГОСПАД, што ўсе яны вымруць у пустыні, і не застанецца з іх ніводнага, апрача Халева, сына Ефунны, і Егошуа, сына Нуна.
Кніга Лікі, 26 глава