1 І прамовіў ГОСПАД да Майсея ў пустыні Сынай у Намёце Спатканьня ў першы дзень другога месяца, у другім годзе па выхадзе з Эгіпту, кажучы:
2 «Зрабі сьпіс усяе грамады cыноў Ізраіля па родах іхніх, па сем’ях іхніх, усіх мужчынаў па імёнах.
3 Ад дваццаці гадоў і вышэй, усіх здатных да бою Ізраільцянаў палічыце па дружынах іхніх ты і Аарон.
4 З кожнага пакаленьня павінен быць з вамі чалавек, князь роду бацькоў сваіх.
5 Вось імёны правадыроў пакаленьняў, якія будуць з вамі: для Рубэна — Эліцур, сын Шэдэура,
6 для Сымона — Шэлюмiэль, сын Цурышадая,
7 для Юды — Нахшон, сын Амінадава,
8 для Ісахара — Натанаэль, сын Цуара,
9 для Завулёна — Эліяў, сын Гэлёна,
10 для сыноў Язэпа: для Эфраіма — Элішама, сын Амігуда; для Манасы — Гамаліэль, сын Пэдагсура;
11 для Бэн’яміна — Абідан, сын Гідэоні,
12 для Дана — Ахіезэр, сын Амішадая,
13 для Асэра — Пагіэль, сын Акрана,
14 для Гада — Эліясаф, сын Дэўэля,
15 для Нэфталі — Ахіра, сын Энана».
16 Гэтыя пакліканыя з усёй супольнасьці, князі пакаленьняў бацькоў сваіх і начальнікі тысячаў Ізраіля.
17 Іх узяў Майсей і Аарон, тых, што былі паіменна названыя.
18 У першы дзень другога месяца сабралі яны ўсю супольнасьць дзеля сьпісу іх паходжаньня па пакаленьнях іхніх, па сем’ях бацькоў іхніх і лічылі кожнага па імені ад дваццаці гадоў і вышэй.
19 Як загадаў ГОСПАД Майсею, быў зроблены перапіс у пустыні Сынай.
20 Сыноў Рубэна, першароднага Ізраеля, па пакаленьнях іхніх, па плямёнах іхніх, па сем’ях іхніх, па ліку імёнаў усіх мужчынаў ад дваццаці гадоў і вышэй, здольных да бою,
21 тых, якіх палічылі з пакаленьня Рубэна, было сорак шэсьць тысячаў пяцьсот.
22 Сыноў Сымона па пакаленьнях іхніх, па племёнах іхніх і па сем’ях іхніх, па ліку імёнаў, усіх мужчынаў, ад дваццаці гадоў і вышэй, здольных да бою,
23 налічана з пакаленьня Сымонавага пяцьдзесят дзевяць тысячаў трыста.
24 Сыноў Гада па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, усіх здольных да бою,
25 налічана з пакаленьня Гадавага сорак пяць тысячаў шэсьцьсот пяцьдзясят.
26 Сыноў Юды па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, усіх здольных да бою,
27 налічана з пакаленьня Юды семдзесят чатыры тысячы шэсьцьсот.
28 Сыноў Ісахара па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, усіх здольных да бою,
29 налічана з пакаленьня Ісахара пяцьдзясят чатыры тысячы чатырыста.
30 Сыноў Завулёна па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, усіх здольных да бою,
31 налічана з пакаленьня Завулёна пяцьдзесят сем тысячаў чатырыста.
32 Сыноў Язэпа, сыноў Эфраіма па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, усіх здольных да бою,
33 налічана з пакаленьня Эфраіма сорак тысячаў пяцьсот.
34 Сыноў Манасы па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, усіх здольных да бою,
35 налічана з пакаленьня Манасы трыццаць дзьве тысячы дзьвесьце.
36 Сыноў Бэн’яміна па пакаленьнях іхніх, па пямёнах іхніх, па сем’х іхніх, па ліку імёнаў, мужчынаў ад дваццаці гадоў і вышэй, здольных да бою,
37 налічана з пакаленьня Бэн’яміна трыццаць пяць тысячаў чатырыста.
38 Сыноў Дана па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, здольных да бою,
39 налічана з пакаленьня Дана шэсьцьдзесят дзьве тысячы семсот.
40 Сыноў Асэра па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, здольных да бою,
41 налічана з пакаленьня Асэра сорак адна тысяча пяцьсот.
42 Сыноў Нэфталі па пакаленьнях іхніх, па плямёнах іхніх, па сем’ях іхніх, па ліку імёнаў, усіх мужчынаў ад дваццаці гадоў і вышэй, здольных да бою,
43 налічана з пакаленьня Нэфталі пяцьдзясят тры тысячы чатырыста.
44 Гэта вось тыя, якіх палічылі Майсей і Аарон разам з начальнікамі Ізраіля, дванаццацю князямі, па аднаму з кожнага пакаленьня.
45 Поўны лік сыноў Ізраіля, здольных да бою, па сем’ях іхніх, ад дваццаці гадоў і вышэй,
46 складаў шэсьцьсот тры тысячы пяцьсот пяцьдзясят.
47 Лявіты не падпалі пад сьпіс паводле пакаленьняў сваіх,
48 бо ГОСПАД сказаў Майсею:
49 «Не перапісвай пакаленьня Левія і не лічы іх разам з сынамі Ізраіля,
50 але даручы лявітам Сялібу Сьведчаньня, усе яе прылады і ўсё, што да яе належыць. Яны будуць насіць Сялібу і ўсе яе прыналежнасьці, будуць пры ёй служыць і навокал яе паставяць намёты свае.
51 Калі трэба рушыць у дарогу, разьбяруць яе лявіты, а калі трэба затрымацца, зноў яе паставяць. Калі хто чужы наблізіцца да яе, будзе пакараны сьмерцю.
52 Сыны Ізраіля паставяць намёты свае, кожны на месцы сваім у табары, кожны пад сьцягам сваім, пры дружынах сваіх.
53 А лявіты разьмесьцяцца табарам вакол Сялібы Сьведчаньня; тады кара не спадзе на грамаду сыноў Ізраіля. Лявіты будуць сьцерагчы Сялібу Сьведчаньня».
54 Сыны Ізраіля споўнілі і зрабілі ўсё, што ГОСПАД загадаў Майсею.
Кніга Лікі, 1 глава