1 Вось кніга радаводу Адама. У дзень, калі Бог стварыў Адама, зрабіў яго на падабенства Божае,
2 мужчыну і жанчыну стварыў іх, і дабраславіў іх, і назваў іх імя “чалавек” у дзень стварэньня іх.
3 І жыў Адам сто трыццаць гадоў, і нарадзіў [сына] на падабенства сваё, як вобраз свой, і назваў імя яго Сэт.
4 І было дзён Адама па нараджэньні Сэта васемсот гадоў, і нарадзіў ён сыноў і дачок.
5 І былі ўсе дні Адама, якія ён жыў, дзевяцьсот трыццаць гадоў, і ён памёр.
6 І жыў Сэт сто пяць гадоў, і нарадзіў Эноса.
7 І жыў Сэт па нараджэньні Эноса васемсот сем гадоў, і нарадзіў сыноў і дачок.
8 І былі ўсе дні Сэта дзевяцьсот дванаццаць гадоў, і ён памёр.
9 І жыў Энос дзевяноста гадоў, і нарадзіў Кейнана.
10 І жыў Энос па нараджэньні Кейнана васемсот пятнаццаць гадоў, і нарадзіў сыноў і дачок.
11 І былі ўсе дні Эноса дзевяцьсот пяць гадоў, і ён памёр.
12 І жыў Кейнан семдзесят гадоў, і нарадзіў Магалялеэля.
13 І жыў Кейнан па нараджэньні Магалялеэля васемсот сорак гадоў, і нарадзіў сыноў і дачок.
14 І былі ўсе дні Кейнана дзевяцьсот дзесяць гадоў, і ён памёр.
15 І жыў Магалялеэль шэсьцьдзесят пяць гадоў, і нарадзіў Ярэда.
16 І жыў Магалялеэль па нараджэньні Ярэда васемсот трыццаць гадоў, і нарадзіў сыноў і дачок.
17 І былі ўсе дні Магалялеэля васемсот дзевяноста пяць гадоў, і ён памёр.
18 І жыў Ярэд сто шэсьцьдзесят два гады, і нарадзіў Эноха.
19 І жыў Ярэд па нараджэньні Эноха васемсот гадоў, і нарадзіў сыноў і дачок.
20 І былі ўсе дні Ярэда дзевяцьсот шэсьцьдзесят два гады, і ён памёр.
21 І жыў Энох шэсьцьдзесят пяць гадоў і нарадзіў Мэтушэляха.
22 І хадзіў Энох з Богам па нараджэньні Мэтушэляха трыста гадоў, і нарадзіў сыноў і дачок.
23 І былі ўсе дні Эноха трыста шэсьцьдзесят пяць гадоў.
24 І хадзіў Энох з Богам, і ня стала яго, бо забраў яго Бог.
25 І жыў Мэтушэлях сто восемдзесят сем гадоў, і нарадзіў Лямэха.
26 І жыў Мэтушэлях па нараджэньні Лямэха семсот восемдзесят два гады, і нарадзіў сыноў і дачок.
27 І былі ўсе дні Мэтушэляха дзевяцьсот шэсьцьдзесят дзевяць гадоў, і ён памёр.
28 І жыў Лямэх сто восемдзесят два гады, і нарадзіў сына,
29 і назваў яго імя Ной, кажучы: «Ён пацешыць нас у рабоце нашай і ў працы рук нашых на зямлі, якую пракляў ГОСПАД».
30 І жыў Лямэх па нараджэньні Ноя пяцьсот дзевяноста пяць гадоў, і нарадзіў сыноў і дачок.
31 І былі ўсе дні Лямэха семсот семдзесят сем гадоў, і ён памёр.
32 І было Ною пяцьсот гадоў, і нарадзіў Ной Сэма, Хама i Яфэта.
Кніга Быцьцё, 5 глава