К Галатомъ 0 К Галатомъ введение

К ГАЛАТОМЪ • ПОСЛАНИЯ СВЯТОГО ПАВЛА АПОСТОЛА СКАЗАНИЕ ДОКТОРОМ ФРАНЦИСКОМ СКОРИНОЮ С ПОЛОЦЬКА • БОГУ КО ЧЬТИ, И ЛЮДЕМЪ ПОСПОЛИТЫМ К НАУЦЕИ, ПОЧИНАЕТСЯ •

Радующеся Галати прежде, от Павла приняли были Благовествование Божіе и веру Ісусъ Христову • Потом же пришедши лжеапостоли от Іудеи развращеваху их, и поведаху яко потреба естъ во Христа верующимъ обрезатися, и все обычае закона хранити • Слышав же сия Апостолъ пишет к нимъ епистолу сию, в нейже вельми смеле караеть их, иже тако скоро преложилися во иное благовествование • Проклиная лъжеапостолы, ониже прельщеваху Галатянъ • И поведая о собе яко Евангелие, еже проповедаше в нихъ • От самого Христа несмертельнаго на небеси явлениемъ принялъ ест • А не от человекъ смертельных на земли слышаниемъ, яко лжеапостоли прияли суть • Прото годно ест его болей послушати, нежели онехъ • Тажде пишеть яко по изъбраніи его от Бога на Апостольство, не шолъ с Дамаску во Ерусалим, ко преднимъ Апостоломъ о вере Христове пытатися • Но яко от Самого Христа навченый, смеле шолъ проповедати веру Его во Аравию, потом паки навратися в Дамаскъ • Затымъ по трехъ летех возышол во Ерусалимъ на мало дней, согледати толико Апостолы Христовы, а не вчишеся от них • Таже четыренадесят летъ во странахъ Сирскихъ, и Киликиских проповедаше Евангелие Христово • Потомъ пришедъ Божиимъ явлениемъ во Ерусалимъ ко старейшимъ Апостолом, положилъ предъ ними Евангелие свое, еже тако много летъ проповедаше во языцехъ, онижъ ничего не приложиша, дабы потреба была языкомъ обрезатися, или иныя уставы Ветхаго Закону хранити • Потомуже и Петру во Антиохіи, хотящу языкы во жидовьство уводити, слушный отпоръ далъ • А то все даже до тых местъ обычаемъ деания писал даючи разумети Галатомъ, ижебы не слухали лживых апостоловъ, занеже не от делъ закона сталося ест душъное спасение, но от веры Ісусъ Христовы • А о сем во первой, и во другой главе знайдеши •

Тажъ доводить от Писма иже законъ Моисеовъ до часу толико данъ бысть • И вся обетования во Христе наполнена суть • Ветхый Законъ ест телесный, а Новый духовный • Во Ветхомъ стень, а во Евангеліи истинна • Во Ветхомъ неволя, а во Благовествовании Христове свобода • Прото несмысълеными зоветь Галатянъ, ониже познавши правду, не повинишеся ей • Искусивъше лепшего, яшеся за горшее • Бывши у свободе, поддаяхуся в работу • Сущи во благославении, въпадаху во клятву • Дая приподобление обудву законовъ, на дву сынехъ Авраамовыхъ • Ихъже имеаше единаго от рабы, другаго ж от свободныя • А о сих пишеть во третей, и во четвертой главе •

Затымъ поведаеть естъ ли же кто обрезается, то повиненъ будеть и весь закон полнити • Но верою во Христа свободихомся от техъ • Таж являеть иже хрестианъская свобода не во грехочинение дана ест, но во друголюбие • Еже не законом, но верою Христовою совершается • Потомъ кажеть о делехъ плотских, и о плодехъ духовных, и науку даеть яко имамы вкупе жити • И на конци карает лжеапостолы, и свою похвалу поведая • Скончеваеть послание •

Конець предсловию •