1 και ηκουϲα μεγαληϲ φωνηϲ εκ του ναου λεγουϲηϲ τοιϲ επτα αγγελοιϲ υπαγετε και εκχεετε ταϲ επτα φιαλαϲ του θυμου του θ̅υ̅ ειϲ την γην
2 και απηλθεν ο πρωτοϲ και εξεχεεν την φιαλην αυτου ειϲ την γην και εγενετο ελκοϲ και πονηρον επι τουϲ α̅ν̅ο̅υ̅ϲ̅ τουϲ εχονταϲ το χαραγμα του θηριου και τουϲ προϲκυνουνταϲ τη εικονι αυτου
3 και ο δευτεροϲ εξεχεεν την φιαλη̅ αυτου ειϲ την θαλαϲϲαν και εγενετο αιμα ωϲ νεκρου και παϲα ψυχηϲ ζωηϲ απεθανεν τα εν τη θαλαϲϲη
4 και ο τριτοϲ εξεχεε̅ την φιαλην αυτου ειϲ τουϲ ποταμουϲ και ταϲ πηγαϲ των υδατων και εγενοντο αιμα
5 και ηκουϲα του αγγελου των υδατων λεγοντοϲ δικαιοϲ ει ο ων και ο ην οϲιοϲ οτι ταυτα εκριναϲ
6 οτι αιμα αγιων και προφητων εξεχεαν και αιμα αυτοιϲ δεδωκαϲ πειν αξιοι ειϲιν
7 και ηκουϲα του θυϲιαϲτηριου λεγο̅τοϲ ναι κ̅ε̅ ο θ̅ϲ̅ ο παντοκρατωρ αληθειναι και δικαιαι αι κριϲιϲ ϲου
8 και ο τεταρτοϲ εξεχεεν την φιαλην αυτου επι τον ηλιον και εδοθη αυτω καυματιϲαι τουϲ α̅ν̅ο̅υ̅ϲ̅ εν πυρι
9 και εκαυματιϲθηϲαν οι α̅ν̅ο̅ι̅ καυμα μεγα και εβλαϲφημηϲαν ενωπιον του θ̅υ̅ του εχοντοϲ την εξουϲιαν επι ταϲ πληγαϲ ταυταϲ και ου μετενοηϲαν δουναι αυτω δοξα̅
10 και ο πεμπτοϲ εξεχεαιν την φιαλη̅ αυτου επι τον θρονον του θηριου και εγενετο η βαϲιλεια αυτου εϲκοτωμενη και εμαϲωντο ταϲ γλωϲϲαϲ αυτων εκ του πονου
11 και εβλαϲφημηϲαν τον θ̅ν̅ του ο̅υ̅ν̅ο̅υ̅ εκ των πονων αυτων και εκ των ελκων αυτων και ου μετενοηϲα̅ εκ των εργων αυτων
12 και ο εκτοϲ εξεχεεν την φιαλην αυτου επι τον ποταμον τον μεγαν τον ευφρατην και εξηρανθη το υδωρ αυτου ινα ετοιμαϲθη η οδοϲ τω̅ βαϲιλεων των απο ανατολων ηλιου
13 και ιδον εκ του ϲτοματοϲ του δρακοντοϲ και εκ του ϲτοματοϲ του θηριου και εκ του ϲτοματοϲ του ψευδοπροφητου πνευματα τρια ακαθαρτα ωϲ βατραχοι
14 ειϲιν γαρ πνευματα δαιμονιων ποιουντα ϲημεια α εκπορευεται επι τουϲ βαϲιλειϲ τηϲ οικουμενηϲ οληϲ ϲυναγαγειν αυτουϲ ειϲ τον πολεμον τηϲ μεγαληϲ ημεραϲ του θ̅υ̅ του παντοκρατοροϲ
15 ιδου ερχομαι ωϲ κλεπτηϲ μακαριοϲ ο γρηγορων και τηρων τα ιματια αυτου ινα μη γυμνοϲ περιπατη και βλεπωϲιν την αϲχημοϲυνην αυτου
16 και ϲυνηγαγεν αυτουϲ ειϲ τον ποταμον τον καλουμενον εβραιϲτι αρμαγεδων
17 και ο εβδομοϲ εξεχεεν την φιαλην αυτου επι το̅ αερα και εξηλθεν φωνη εκ του ναου απο του θρονου λεγουϲα γεγονεν
18 και εγενοντο αϲτραπαι και φωναι και βρονται και ϲιϲμοϲ εγενετο μεγαϲ οιοϲ ουκ εγενετο αφ ου α̅ν̅ο̅ϲ̅ εγενετο επι τηϲ γηϲ τηλικουτοϲ ϲιϲμοϲ ουτω μεγαϲ
19 και εγενετο η πολιϲ η μεγαλη ειϲ τρια μερη και αι πολειϲ των εθνων επεϲαν και βαβυλων η μεγαλη εμνηϲθη ενωπιον του θ̅υ̅ δουναι αυτη το ποτηριον του οινου του θυμου τηϲ οργηϲ αυτου
20 και παϲα νηϲοϲ εφυγεν και ορη ουχ ευρεθηϲαν
21 και χαλαζα μεγαλη ωϲ ταλαντιαια καταβαινει εκ του ο̅υ̅ν̅ο̅υ̅ επι τουϲ α̅ν̅ο̅υ̅ϲ̅ και εβλαϲφημηϲαν οι α̅ν̅ο̅ι̅ τον θ̅ν̅ εκ τηϲ πληγηϲ τηϲ χαλαζηϲ οτι μεγαλη εϲτιν η πληγη αυτηϲ ϲφοδρα