ПОСЛАНИЯ ПЕРЪВАГО КО ТІМОФЕЮ СВЯТОГО АПОСТОЛА ПАВЛА • СКАЗАНИЕ ДОКТОРОМЪ ФРАНЦИСКОМЪ СКОРИНОЮ С ПОЛОЦКА • БОГУ К ПОХВАЛЕНИЮ ПОЧИНАЕТСЯ •
Ко Тимофею пишеть Апостолъ, иже былъ естъ родомъ изъ отца Еллина • А от матки Жидовки приступившей ко вере Христове • Сего млада суща навчена добре в писме • Принял был святый Павелъ • Егоже и обрезалъ самъ, для неистовъства іудейскаго • Яко пишеть о томъ святый Лука, во Деяниахъ Апостольскихъ • Сего оставилъ естъ во Ефесе идяй в Макидонию • И будучи в Лаодикіи слышалъ некоих прельщающих Ефесянъ Закона Ветхаго уставами • И хулящих Законъ Христовъ • Сего для утвержаеть его, и навчаеть посланиемъ симъ, яко власного сына • Найпервей абы не слухал, и иным не велелъ басенъ и родовъ жидовских • Но навчал веры, еже ко Богу • И любве еже ко ближнимъ • Сие бо полнящимъ законъ не естъ наложенъ • Потом самъ о собе кажеть яко былъ гонителемъ Церкви Христовы, и како Богъ помилова его показуя объразъ, да и Тімофей воюеть для веры Христовы • Затымъ навчаеть како, и за кого Богу молитися • Яко мужемъ, и женам во молитве подобаеть учьтиве пребыти • Таже о еппископехъ, и о служителехъ у храме Божиемъ, якови имають поставлени быти • И о женахъ их, и о домехъ их • И како во церкви Божией имъ жити выписуеть • О семъ во предних трехъ главахъ знайдешъ •
Далей остерегаеть дабы не послушалъ льстивыхъ ученией бесовъскихъ • Возбраняющихъ ясти брашна, и женитися • Затымъ навчаеть Тимофея яковъ имать быти ко Богу, и ко всемъ человекомъ • Яко ко старымъ • Яко къ младым • Яко ко старицам • Яко ко девицам • Яко ко вдовицам богатымъ, и убогымъ • И старымъ ониже требують церковнаго споможения • Младые пакъ вдовице замужъ да идуть • Потомъ о попехъ науку даеть • Тажъ о господарех • О рабехъ • И о людехъ богатых, ониже яко ничого на светъ не принесоша, тако и с собою не возмуть • Прото покинувши сребролюбие, и гордость • Велить чинити добрая дела, и в нихъ богатитися • На конци упоминая уклонятися от тъщеглаголания, конаеть послание •
Телос •
