1 περι δε των π̅ν̅ι̅κ̅ω̅ν̅ αδελφοι ου θελω υμαϲ αγνοειν
2 οιδατε οτι οτε εθνη ητε προϲ τα ειδωλα τα αφωνα ωϲ αν ηγεϲθε απαγομενοι
3 διο γνωριζω υμιν οτι ουδειϲ εν π̅ν̅ι̅ θ̅υ̅ λαλων λεγει αναθεμα ι̅ϲ̅ και ουδειϲ δυναται ειπειν κ̅ϲ̅ ι̅ϲ̅ ει μη εν π̅ν̅ι̅ αγιω
4 διαιρεϲειϲ δε χαριϲματων ειϲιν το δε αυτο π̅ν̅α̅
5 και διαιρεϲειϲ διακονιων ειϲιν και ο αυτοϲ κ̅ϲ̅
6 και διαιρεϲιϲ ενεργηματων ειϲιν και αυτοϲ θ̅ϲ̅ ο ενεργων τα παντα εν παϲιν
7 εκαϲτω δε διδοται η φανερωϲιϲ του π̅ν̅ϲ̅ προϲ το ϲυμφερον
8 ω μεν γαρ δια του π̅ν̅ϲ̅ διδοται λογοϲ ϲοφιαϲ αλλω δε λογοϲ γνωϲεωϲ κατα το αυτο π̅ν̅α̅
9 ετερω δε πιϲτιϲ εν τω αυτω π̅ν̅ι̅ αλλω δε χαριϲματα ιαματω̅
10 αλλω δε ενεργηματα δυναμεων αλλω δε προφητεια αλλω δε διακριϲιϲ πνευματων ετερω δε γενη γλωϲϲων αλλω δε ερμηνεια γλωϲϲων
11 παντα δε ταυτα ενεργει το εν και το αυτο π̅ν̅α̅ διαιρουν ιδια εκαϲτω καθωϲ βουλεται
12 καθαπερ γαρ το ϲωμα εν εϲτι και μελη πολλα εχει παντα δε τα μελη του ϲωματοϲ πολλα οντα εν εϲτι ϲωμα ουτωϲ και ο κ̅ϲ̅
13 και γαρ εν ενι π̅ν̅ι̅ ημειϲ παντεϲ ειϲ εν ϲωμα εβαπτιϲθημεν ειτε ιουδαιοι ειτε ελληνεϲ ειτε δουλοι ειτε ελευθεροι και παντεϲ εν π̅ν̅α̅ εποτιϲθημεν
14 και γαρ το ϲωμα ουκ εϲτιν εν μελοϲ αλλα πολλα
15 εαν ειπη ο πουϲ οτι ουκ ειμι χειρ ουκ ειμι εκ του ϲωματοϲ ου παρα τουτο ουκ εϲτιν εκ του ϲωματοϲ
16 και εαν ειπη το ουϲ οτι ουκ ειμι οφθαλμοϲ ουκ ειμι εκ του ϲωματοϲ ου παρα τουτο ουκ εϲτιν εκ του ϲωματοϲ
17 ει ολον το ϲωμα οφθαλμοϲ που η ακοη ει ολον ακοη που η οϲφρηϲιϲ
18 νυνι δε ο θ̅ϲ̅ εθετο τα μελη εν εκαϲτον αυτων εν τω ϲωματι καθωϲ ηθεληϲεν
19 ει δε ην τα παντα εν μελοϲ που το ϲωμα
20 νυν δε πολλα μεν μελη εν δε ϲωμα
21 ου δυνατε δε ο οφθαλμοϲ ειπειν τη χειρι χρειαν ϲου ουκ εχω η παλιν η κεφαλη τοιϲ ποϲιν χρειαν υμων ουκ εχω
22 αλλα πολλω μαλλον τα δοκουντα μελη του ϲωματοϲ αϲθενεϲτερα υπαρχειν αναγκαια εϲτιν
23 και α δοκουμεν ατιμοτερα ειναι του ϲωματοϲ τουτοιϲ τιμην περιϲϲοτεραν περιτιθεμεν και τα αϲχημονα ημων ευϲχημοϲυνην περιϲϲοτεραν εχει
24 τα δε ευϲχημονα ημων ου χριαν εχει αλλα ο θ̅ϲ̅ ϲυνεκεραϲεν το ϲωμα τω υϲτερουνμενω περιϲϲοτεραν δουϲ τιμην
25 ινα μη η ϲχιϲμα εν τω ϲωματι αλλα το αυτο υπερ αλληλων μεριμνωϲιν τα μελη
26 και ειτε παϲχει εν μελοϲ ϲυνπαϲχει παντα τα μελη ειτε δοξαζεται εν μελοϲ ϲυνχαιρει παντα τα μελη
27 υμειϲ δε εϲτε ϲωμα χ̅υ̅ και μελη εκ μερουϲ
28 και ουϲ μεν εθετο ο θ̅ϲ̅ εν τη εκκληϲια πρωτον αποϲτολουϲ δευτερον προφηταϲ τριτον διδαϲκαλουϲ επειτα δυναμειϲ επειτα χαριϲματα ιαματων αντιλημψειϲ κυβερνηϲειϲ γενη γλωϲϲω̅
29 μη παντεϲ αποϲτολοι μη παντεϲ προφηται μη παντεϲ διδαϲκαλοι μη παντεϲ δυναμειϲ
30 μη παντεϲ χαριϲματα εχουϲιν ιαματων μη παντεϲ γλωϲϲαιϲ λαλουϲιν μη παντεϲ διερμηνευουϲιν
31 ζηλουτε δε τα χαριϲματα τα μειζονα και ετι καθ υπερβολην οδον υμιν δεικνυμι