Напоминаеть Апостолъ Коринфянъ абы послали собравши милостыню братиямъ во Ерусалим, и кторые имають сбирати ея •
1 Сказуемъ же вамъ братие благодат Божию во церквахъ Макидонскихъ,
2 яко во мнозе искушеніи, и печали преумножися радость имъ, и глубокая нищета их изъбычствова в богатество пространства их •
3 Яко подле силы моея сведетелствую имъ • Иже суть надъ силу хтиви были •
4 Со многымъ прошениемъ, моляще насъ • Да быхомъ приняли от нихъ милостыню, и объщение служения еже ко святым •
5 И не яко надеахомся, но первей дали суть сами себе Господеви, потомъ и нам волею Божиею •
6 Прото молихомъ Тіта да якоже начатъ прежде, тако и скончаеть благодать сию •
7 Вы же яко во всемъ изъбыточствуете: в вере, в слове, в разуме • И во всяцей пилности, и во любви своей къ намъ • Да и всей благодати изъбычствуете •
8 Не повелевая сия вамъ глаголю • Но оныхъ дщаниемъ, вашея любве истинну являю •
9 Весте бо благодать Господа нашего Ісуса Христа, яко вас ради обнища богат сый, да вы нищетою Его обогатитеся •
10 И ведомо о сем даю, се бо вам естъ на ползу • Понеже не толико чинити начасте • Но и хотение свое к тому придасте, от лета перваго •
11 Протож ныне и делом тое скончайте • Да якоже хотение ваше готово было, тако и деломъ конайте, от того еже имате •
12 Аще бо усердие прилежить, водле того еже имать, приятно ест Богу • А не водле того чегоже не имать •
13 Сия пак глаголю да не будеть инымъ дана отрада, а вамъ скорбь, но з ровности
14 во нынешнее время • Ваше изъбыточство да наполнить онехъ лишение • И их изъбыточство да будет въ вашем лишеніи • Абы была всемъ ровность •
15 Яко пишеть: кто много собралъ ест манны, не изъбыло ему • И кто мало собралъ ест, не вмалилъ собе •
16 Благодат же Богови давшему тожде тъщание о васъ во серце Тітово,
17 яко моленіе наше принялъ ест • И сый того пиленъ, своею доброю волею изыде к вам •
18 Послали жъ есмо с нимъ посполу брата егоже похвала естъ во Еивангеліи по всем церквамъ •
19 И не толико тое, но и выбран естъ от сборовъ, дабы с нами ходилъ • Во благодати сей нами служимое, ко славе Господне, и к проспеху вашему •
20 Стрегучися того, да не кто насъ поречеть, во величіи семъ, нами служимемъ •
21 Промышляюще добрая, не толико предъ Богомъ но и предъ человеки •
22 К тому послахомъ с ними брата нашего • Егоже искусихом во многых многажды востанлива суща, ныне же будеть востанлившіи, надевания ради многа еже к вамъ •
23 А то для Тіта онже естъ обещникъ мне, и въ васъ поспешникъ • И для иныхъ они же суть братия наша, посланници церквамъ славы Христовы •
24 Протожъ объявление любъви вашея, и наше о васъ похваление, покажите къ нимъ, предъ лицемъ всея церкви •
